وزیر اعلیٰ سندھ مراد علی شاہ کا کہنا ہے کہ بجٹ میں تنخواہ دار طبقے کو ریلیف دیا جائے گا۔ سندھ کا بجٹ 13 جون کو صوبائی اسمبلی میں پیش کیا جائے گا۔

سیہون میں میڈیا سے گفتگو میں وزیراعلیٰ سندھ مراد علی شاہ نے کہا کہ مہنگائی کے باعث عوام پر بوجھ بڑھ گیا ہے، بجٹ میں تنخواہ دار طبقے کو ریلیف دیا جائے گا، وفاق سے حتمی اعدادوشمار کے بعد تنخواہیں بڑھانے کا فیصلہ کریں گے۔

وزیراعلیٰ سندھ نے کہا کہ سیلاب متاثرین کیلئے 21 لاکھ گھروں میں سے10لاکھ گھر مکمل ہوچکے، بلاول بھٹو کی ہدایت پر صاف پانی، سولر انرجی پرخاص توجہ دے رہے ہیں۔

کچے کے ڈاکو آخری سانسیں لے رہے ہیں، سید مراد علی شاہ

مراد علی شاہ نے سندھ حکومت کی ایک سالہ کارکردگی رپورٹ پیش کردی

میڈیاسے گفتگوکرتے ہوئے انہوں نے مزید کہا کہ مہنگائی کی وجہ سے عوام پریشان ہے دیکھا ہوگا ہے وفاقی حکومت اس حوالے سے کیا اقدامات کرتی ہے، پی ٹی آئی کی احتجاج کےاعلان پرانہوں نےکہا کہ کسی ایک شخص کے جیل میں ہونے پر تحریک نہیں چلائی جاتی۔

مراد علی شاہ کا کہنا ہے کہ حیسکو، سیپکو اور کے الیکٹرک تینوں ادارے ناکام ہو چکے، خصوصاً سیپکو ناکام ہو چکا، سندھ میں 18 گھنٹے لوڈ شیڈنگ ہو رہی ہے۔

انہوں نے کہا کہ وفاق کے ساتھ ہماری بات چیت جاری ہے، تینوں اداروں کو پبلک پرائیویٹ پارٹنر شپ کے تحت چلانے کے لیے مذاکرات ہو رہے ہیں۔