صوبائی وزیر سندھ ناصر شاہ نے کہا ہے کہ گزشتہ دس سالوں کے بجٹ میں سندھ کو کچھ نہیں ملا۔ اس سال چھ سو چھیاسی ارب روپے کا بجٹ مانگا ہے۔ امید ہے زیادتیوں کا کاازالہ کیا جائے گا۔

وزیر بلدیات سندھ ناصرشاہ نے اسلام آباد میں میڈیا سے گفتگو کرتے ہوئے کہا ہے کہ آج بجٹ کیلئے چاروں صوبوں اور وفاق کا اجلاس ہے، اجلاس میں اپنے تحفظات اور امیدیں پیش کریں گے۔

ناصرحسین شاہ نے کہا کہ امید ہے کہ سندھ کے ساتھ 2013 سے ہونے والا سلوک نہیں رکھا جائے گا، گزشتہ سال سے سندھ کے حوالے سے بہتری آئی ہے، امید ہے کہ اس سال سندھ کے ساتھ ہونےوالی زیادتی کا ازالہ ہو سکے گا۔