متحدہ عرب امارات میں ملازمت کے خواہشمند افراد کیلئے ایک اچھی خبر سامنے آئی ہے۔

امارات میں نجی شعبے کے ملازمین کی خدمات حاصل کرنے کیلئے ایک نیا ادارہ قائم کردیا گیا۔

عرب میڈیا رپورٹس کے مطابق امارات میں نجی سیکٹر کے ملازمین کی تعلیمی اسناد کی تصدیق کے مسئلے کو حل کردیا گیا ہے۔

رپورٹ کے مطابق اس سلسلے میں ایک نئی ڈیجیٹل سروس کا آغاز کیا جا رہا ہے۔ یہ سہولت بالخصوص ان ملازمین کے لیے ہیں جن کے پاس کسی دوسرے ملک کی تعلیمی اسناد ہوں۔

دبئی میں گھر سنبھالنے کی نوکری، تنخواہ 23 لاکھ پاکستانی روپے ماہانہ

تاہم مستقبل قریب میں یہ سروس متحدہ عرب امارات میں جاری شدہ ڈگریوں پر بھی لاگو کی جائے گی۔

متحدہ عرب امارات کی وزارتِ انسانی وسائل کی جانب سے جاری بیان میں کہا گیا ہے کہ اس ڈیجیٹل سروس کا مقصد ملازمت کے عمل کو مؤثر، تیز اور مستند بنانا ہے۔

دبئی دنیا کے 20 امیر ترین شہروں کی فہرست میں شامل

رپورٹ میں بتایا گیا کہ اس سلسلے میں نئی ڈیجیٹل سروس MoHRE کی ویب سائٹ، اسمارٹ ایپلیکیشن اور ملک بھر میں موجود کاروباری خدمات کے مراکز سے حاصل کی جا سکتی ہیں۔

مذکورہ منصوبہ سرکاری اور نجی اداروں کو تعلیمی اسناد کی تصدیق کے عمل کو براہ راست ڈیجیٹل طریقے سے مکمل کرنے کی سہولت فراہم کرے گا۔

خیال رہے کہ امارات میں ملازمت کیلئے تعلیمی اسناد کی تصدیق لازمی درکار ہے۔