پاکستان کے بھارت کو منہ توڑ جواب کے بعد بھارتی اسٹاک مارکیٹ کو بڑا دھچکا لگا ہے، جنگی جنون میں مبتلا بھارتی حکومت کو 83 بلین ڈالرز کا نقصان ہوا۔

بھارت کو 83 ارب ڈالر کا یہ نقصان ہفتہ کی صبح ہونے والی بڑی لڑائی سے پہلے ہو چکا تھا اور اب اس کے بعد مزید نقصانات کی توقع ہے۔

پاک بھارت تصادم کے دوران بھارتی مارکیٹوں میں بے چینی کی فضا برقرار رہی، غیرملکی سرمایہ کاروں نے بھارتی اسٹاک مارکیٹ پر تحفظات کا اظہار کیا ہے۔

بھارتی اسٹاک مارکیٹ میں 13 میں سے 12 بڑے شعبے تنزلی کا شکار ہوئے اور ہر سیکٹر کے حصص کی قیمتوں میں گراوٹ دیکھی گئی۔

بھارتی روپے کی قدر میں بھی کمی ہوئی، ماہر اقتصادیات اویناش گورکشکا نے خبردار کیا ہے کہ بھارتی معیشت مزید دباؤ کا شکار ہو گی۔

ماہر اقتصادیات اویناش گورکشکا نے خبردار کیا ہے کہ پاکستان کی جانب سے مزید جوابی اقدامات کسی مکمل جنگ کی صورت اختیار کر سکتے ہیں، جس سے بھارتی معیشت مزید دباؤ کا شکار ہو گی۔