محکمہ موسمیات نے پیش گوئی کی ہے کہ آج کراچی شدید گرمی اور مرطوب موسم کی لپیٹ میں رہے گا۔ شہر میں تیز دھوپ کے ساتھ موسم انتہائی گرم رہے گا، جبکہ درجہ حرارت 38 ڈگری سینٹی گریڈ تک جانے کا امکان ہے۔

محکمہ موسمیات کے مطابق اس وقت کراچی کا درجہ حرارت 32 ڈگری سینٹی گریڈ ریکارڈ کیا گیا ہے، جب کہ ہوا شمال مشرقی سمت سے 6 کلومیٹر فی گھنٹہ کی رفتار سے چل رہی ہے۔ ہوامیں نمی کا تناسب 76 فیصد ہے جس کے باعث گرمی کی شدت مزید بڑھ گئی ہے۔

محکمہ موسمیات کے مطابق شہر کے مضافاتی علاقوں میں بارش کا امکان موجود ہے۔

شہریوں کو ہدایت کی گئی ہے کہ وہ شدید گرمی اور حبس سے بچاؤ کے لیے غیر ضروری طور پر دھوپ میں نکلنے سے گریز کریں اور پانی کا استعمال بڑھا دیں۔