بھارت کا پاکستان کو تنہا کرکے حملہ کرنے کا خواب اب چکنا چور ہوتا دکھائی دے رہا ہے کیوں کہ بنگلادیش نے واضح عندیہ دیا ہے کہ اگر بھارت نے پاکستان پر جارحیت کی تو وہ خاموش نہیں بیٹھے گا۔

بنگلادیش کے چیف ایڈوائزر محمد یونس کے قریبی ساتھی اور سابق فوجی افسر ریٹائرڈ میجر جنرل اے ایل ایم فضل الرحمان نے بھارت کے عزائم کے خلاف کھل کر آواز بلند کرتے ہوئے کہا ہے کہ اگر بھارت نے پاکستان پر حملہ کیا تو بنگلادیش کو چاہیے کہ وہ بھارت کی سات شمال مشرقی ریاستوں پر حملہ کرکے ان پر قبضہ کرلے۔

اپنے سوشل میڈیا پیغام میں جنرل فضل الرحمان نے مزید تجویز دی کہ بنگلادیش کو اس موقع پر چین کے ساتھ باقاعدہ فوجی اتحاد کی طرف بڑھنا چاہیے اور اس حوالے سے فوری بات چیت شروع ہونی چاہیے۔ ان کا کہنا تھا کہ بھارت کو سبق سکھانے کا یہی موزوں وقت ہے، جب وہ خطے میں اپنے مخالفین کو دبانے کی کوشش کر رہا ہے۔

بنگلادیشی سوشل میڈیا پر یہ بیانات وسیع پیمانے پر گردش کر رہے ہیں جب کہ خطے کی بدلتی ہوئی جغرافیائی و سیاسی صورتحال پر عالمی مبصرین بھی گہری نظر رکھے ہوئے ہیں۔