محکمہ موسمیات نے خبردار کیا ہے کہ آئندہ چند روز کے دوران ملک کے بیشتر علاقوں میں شدید گرمی کی لہر برقرار رہے گی، جبکہ درجہ حرارت معمول سے کئی ڈگری زیادہ رہنے کا امکان ہے۔

تفصیلات کے مطابق اسلام آباد، پنجاب اور بلوچستان میں موسم گرم اور خشک رہنے کی پیشگوئی کی گئی ہے۔ شہریوں کو شدید گرمی کے دوران احتیاط برتنے کی ہدایت کی گئی ہے۔

خیبرپختونخوا میں درجہ حرارت معمول سے 6 ڈگری سینٹی گریڈ زیادہ ہونے کا امکان ہے، جو گرمی کی شدت میں مزید اضافے کا سبب بنے گا۔

ملک بھر میں گرمی کی لہر، لاڑکانہ، دادو اور تربت میں پارہ 51 ڈگری کو چھو گیا

ادھر سندھ میں سورج مزید قہر ڈھائے گا، جہاں پارہ 7 ڈگری سینٹی گریڈ تک معمول سے زیادہ ریکارڈ کیے جانے کا امکان ہے۔ ماہرین نے سندھ کے شہریوں کو خاص طور پر محتاط رہنے کی تلقین کی ہے۔

کشمیر اور گلگت بلتستان جیسے نسبتاً ٹھنڈے علاقوں میں بھی موسم گرم اور خشک رہنے کی توقع ظاہر کی گئی ہے۔

کراچی میں آج بھی شدید گرمی، درجہ حرارت 38 ڈگری تک جانے کا امکان

محکمہ موسمیات نے تمام متعلقہ اداروں کو گرمی سے بچاؤ کے اقدامات یقینی بنانے کی ہدایت کی ہے جبکہ عوام کو مشورہ دیا گیا ہے کہ غیر ضروری طور پر دھوپ میں نکلنے سے گریز کریں، پانی کا استعمال بڑھائیں اور ہلکے لباس پہنیں۔