کراچی شارع فیصل پر واقع ایک عمارت کی بیسمنٹ میں اچانک آگ لگ گئی، جس کے بعد فائربریگیڈ کی 4 گاڑیاں موقع پر پہنچ کر آگ بجھائی۔ کوئی جانی نقصان نہیں ہوا۔

کراچی میں شارع فیصل کاوش کراؤن نامی عمارت میں لگنے والی آگ پر تقریبا دو گھنٹوں کی جدوجہد کے بعد قابو پالیا گیا، ریسکیو حکام کے مطابق آگ شارٹ سرکٹ کے باعث لگی۔

ریسکیو کے مطابق دھواں بھرنے سے ریسکیو آپریشن میں مشکلات پیش آئی، خوش قسمتی سے کوئی جانی نقصان نہیں ہوا۔ آگ عمارت کے دوسری منزل پر موجود میٹر روم میں لگی، جس نے دیکھتے دیکھتے پہلی اور اور پھر گراؤنڈ فلور کو اپنی لپیٹ میں لے لیا۔

آگ کی اطلاع پر فائر فائر بریگیڈ اور ریسکیو ادارے فوری پہنچےاور آگ پر قابو پانے کی کوشش کی، میٹر روم میں پہلا دھماکہ ہوا آور پھر آگ بھڑک اٹھی۔ آگ لگنے پر عمارت کو خالی کروایا گیا، جبکہ دسویں منزل پر موجود افراد کو چھت پر بھیج دیا گیا۔

تقریبا 2 گھنٹوں کی جدوجہد کے بعد آگ پر قابو پایاگیا، آپریشن میں فائربریگیڈ کی سات گاڑیوں نے حصہ لیا۔ گودام میں رکھا لاکھوں کا سامان جل کر خاکستر ہوگیا۔

آگ کے باعث نقصان کا تخمینہ کولنگ کے عمل کے بعد لگایا جائے گا۔