پشاور کے علاقے یونیورسٹی ٹاؤن کی حدود میں لا کالج کے طالب علم سیف علی خان نے فائرنگ کرکے اپنے کلاس فیلو دوست کو قتل کردیا جبکہ پولیس نے فائرنگ کرنے والے طالب علم کو گرفتار کرلیا۔

تھانہ ٹاؤن کے پولیس کے مطابق لا کالج پشاور کے تھرڈ سمسٹر کے طالب علم نے زبانی تکرار پر اپنے کلاس فیلو کو گولی مار کر قتل کردیا۔

تھانہ ٹاؤن پولیس کا کہنا ہے کہ ضلع شانگلہ کے رہائشی سیف علی خان نے ساتھی طالب علم جواد خان کو فائرنگ کرکے قتل کیا، کلاس فیلو کو قتل کرنے والے ملزم کو آلہ قتل سمیت گرفتار کرلیا گیا۔

پولیس نے ملزم کو فرار ہونے کے دوران گرفتار کیا ہے جبکہ پولیس کا کہنا ہے کہ واقعے کا مقدمہ درج کرکے مزید تفتیش شروع کردی۔