آئی سی سی چیمپئنز ٹرافی 2025 میں پاکستان کرکٹ ٹیم اپنا پہلا میچ ہارنے کے بعد بھارت کے خلاف دوسرے میچ کے لیے کراچی سے دبئی پہنچ گئی جبکہ امام الحق بھی کل دبئی میں پاکستان ٹیم کو جوائن کریں گے۔

آئی سی سی چیمپئنز ٹرافی 2025 کے میچز جاری ہیں، میگا ایونٹ میں روایتی حریف پاکستان اور بھارت کی ٹیموں کے درمیان ہائی وولٹیج میچ 23 فروری بروز اتوار کو کھیلا جائے گا۔

چیمپئنز ٹرافی کے اہم میچ کے لیے پاکستان کرکٹ ٹیم دبئی پہنچ گئی، پاکستان کرکٹ بورڈ (پی سی بی) کے چیئرمین محسن نقوی بھی ٹیم کے ہمراہ دبئی پہنچ گئے ہیں۔

قومی کرکٹ ٹیم پاکستان ایئر فورس کے طیارے میں دبئی پہنچی جب کہ پاکستان کرکٹ بورڈ کے آفیشلز بھی ٹیم کے ہمراہ دبئی گئے ہیں، کرکٹ بورڈ آفیشلز پاک بھارت میچز کے انتظامات کو ممکن بنائیں گے۔

چیمپئنزٹرافی میں دفاعی چیمپئن پاکستان پہلے امتحان میں ناکام، 60 رنز کے بڑے مارجن سے شکست

پی سی بی کے مطابق پاکستان کرکٹ ٹیم آج پورا دن آرام کرے گی اور قومی ٹیم کل آئی سی سی اکیڈمی میں پریکٹس کرے گی جبکہ 2 روز بعد روایتی حریف بھارت سے مدمقابل ہوگی۔

اس سے قبل، قومی ٹیم کو فخر زمان کی انجری کی صورت میں بڑا دھچکا لگا جو پہلے ہی میچ میں انجری کا شکار ہوکر ٹورنامنٹ سے باہر ہوگئے ہیں اور وہ ٹیم کے ہمراہ دبئی نہیں گئے جبکہ اوپر فخر زمان جگہ قومی ٹیم میں جگہ بنانے والے امام الحق بھی کل دبئی روانہ ہوں گے۔

قومی ٹیم مینجمنٹ نے امام الحق کو فخرزمان کے متبادل کے طور پر ٹیم میں شامل کرلیا تھا، آئی سی سی ایونٹ ٹیکنیکل کمیٹی نے امام الحق کی شمولیت کی منظوری دے دی تھی۔

چیمپئنز ٹرافی کے پہلے ہی میچ میں پاکستانی ٹیم پر جرمانہ عائد، مگر کیوں

خیال رہے کہ فخر زمان گزشتہ روز نیوزی لینڈ کے خلاف فیلڈنگ کرتے ہوئے پہلے ہی اوور میں ان فٹ ہوئے تھے، وہ دوبارہ فیلڈنگ کے لیے آئے تھے اور بیٹنگ کے لیے بھی میدان میں اترے تھے لیکن ان کی تکلیف کم نہ ہوسکی۔