وفاقی کابینہ کا بڑا فیصلہ سامنے آیا ہے، گریڈ 17 سے 22 تک کے تمام سرکاری ملازمین اثاثے ظاہر کرنے کے پابند ہونگے، کابینہ نےسول سرونٹس ایکٹ 1973 میں نئی دفعہ 15-A شامل کرنے کی منظوری دیدی۔

ذرائع کا کہنا ہے کہ وفاقی کابینہ نے فیصلہ کیا ہے کہ گریڈ 17 سے 22 تک کے تمام سرکاری ملازمین اثاثے ظاہر کرنے کے پابند ہونگے، کابینہ نے سول سرونٹس ایکٹ 1973 میں نئی دفعہ 15-A شامل کرنے کی منظوری دیدی۔

ذرائع کے مطابق سرکاری ملازمین کو اپنے اوراہل خانہ کے ملکی وغیر ملکی اثاثے بھی ظاہر کرنے ہونگے، تمام سرکاری ملازمین کے اثاثے فیڈرل بورڈ آف ریونیو کو آن لائن دینے ہونگے۔

وزیراعظم کی ماہ رمضان میں کم قیمت پر اشیا کی فراہمی کی حکمت عملی بنانے کی ہدایت

مجوزہ ترمیم کے مطابق سرکاری ملازمین کے تمام اثاثوں تک عوام کی رسائی ہوگی۔ ڈیجیٹل فائلنگ کا نظام متعارف ہوتے ہی تمام اثاثے ظاہر کرنا لازم ہوگا۔ غیر ملکی بینک اکاؤنٹس، جائیدادوں اور سرمایہ کاری کی تفصیلات بھی دینا ہوں گی۔

ذرائع نے بتایا کہ تمام افراد کی پرائیویسی اور سیکیورٹی کو مدنظر رکھا جائے گا، ترمیم میں ایف بی آر، وزارت خزانہ اور وزارت قانون کی سفارشات شامل ہیں۔ رواں ہفتے آئی ایم ایف وفد نےاثاثوں سے متعلق شرط پر نرمی سے انکار کیا تھا۔

ذرائع کا مزید کہنا ہے کہ ترمیمی مسودہ جلد پارلیمنٹ میں منظوری کے لیے پیش کیا جائے گا، منظوری کے بعد مسودہ آئی ایم ایف کے وفد کو بھی پیش کیا جائے گا۔