خیبرپختونخوا کے اسکول میں طلبا کی جانب سے استاد کو ہراساں کرنے کا منفرد واقعہ سامنے آگیا۔

ذرائع کے مطابق متاثرہ ٹیچر نے بتایا کہ اسکول کے طلباء مجھ پر آوازیں کستے ہیں، نازیبا الفاظ کا استعمال کرتے ہیں، انہوں نے درخواست میں مؤقف اپناتے ہوئے بتایا کہ طلباء کی طرف سے ڈیوٹی میں رکاوٹ ڈالنا اب معمول بن گیا ہے۔

گورنمنٹ ہائیر سیکنڈری اسکول کاکشال کے ٹیچر نے پولیس کو طلباء کیخلاف درخواست دے دی۔

جس کے بعد ڈسٹرکٹ ایجوکیشن آفیسر پشاور نے اس واقعے کا نوٹس لے لیا۔

پشاور میں دسویں جماعت کے امتحانات ملتوی

ذرائع نے بتایا کہ ڈسٹرکٹ ایجوکیشن آفیسر عرفان علی نے طلباء کے والدین کو بلاکر معاملہ سامنے رکھا، جس کے بعد طلباء نے معافی مانگی اور مستقبل میں ایسا نہ کرنے کی یقین دہانی کرائی۔

ڈسٹرکٹ ایجوکیشن آفیسر پشاور کا کہنا تھا کہ سکولوں کے ڈسپلن اور تعلیمی ماحول کو خراب کرنے کی اجازت کسی کو نہیں دیں گے۔