کرم میں امن معاہدہ طے پانے کے بعد مشیر اطلاعات خیبرپختونخوا بیرسٹر سیف کا کہنا ہے کہ کرم میں نئی پولیس چیک پوسٹیں بنانے سمیت دو ایف سی پلاٹونز بھی تعینات کی جائیں گی۔

بیرسٹر محمد علی سیف نے کہا کہ ایک صدی سے زیادہ عرصے کے کرم تنازعے کے پائیدار حل میں کامیاب ہوئے ہیں، کرم مسئلے کے حل کیلئے جرگے کی تقریباً 50 سے زیادہ نشستیں ہوئیں، جرگہ اراکین نے خلوص کے ساتھ کوششیں کیں جبکہ کمشنر اور ڈی آئی جی سمیت پوری انتظامیہ نے بھی بھرپور کردار ادا کیا۔

مجلس وحدت المسلمین نے ملک بھر میں جاری دھرنے ختم کرنے کا اعلان کردیا

صوبائی مشیر اطلاعات نے کہا کہ سڑک کی بندش کا مقصد مزید خونریزی کا راستہ روکنا تھا، سڑک کی بندش کے باعث حکومت کو مسائل کا پوری طرح ادراک تھا، وزیراعلیٰ نے ادویات اور دیگر سروسز کے لیے اپنا ہیلی کاپٹر وقف کیا جس کے ذریعے تقریباً 15 ٹن ادویات پہنچائی گئیں اور 700 سے زائد افراد کو ہیلی کاپٹر کے ذریعے فضائی سروس فراہم کی گئی۔

بیرسٹر سیف نے کہا کہ دھرنا دینے والوں کے مطالبات تسلیم ہوئے، امن معاہدے کے بعد دھرنوں کا اب کوئی جواز نہیں رہا، متاثرین کو معاوضے دینے کا عمل جلد شروع ہو جائے گا۔

کرم امن معاہدے پر دستخط کے بعد خیبرپختونخوا حکومت کا بڑا اعلان

انہوں نے کہا کہ کرم شاہراہ کو محفوظ بنانے کے لیے 400 پولیس اہلکاروں کو بھرتی کرنے کی منظوری دی گئی ہے، نئی پولیس چیک پوسٹوں سمیت دو ایف سی پلاٹون بھی تعینات کیے جائیں گے۔