سپیشل سینٹرل عدالت لاہور نے مونس الہی کی گرفتاری کے لیے دوبارہ اقدامات کرنے کا حکم دے دیا ہے۔

عدالت کے جج تنویر احمد شیخ نے منی لانڈرنگ کے مقدمے کی گزشتہ سماعت کا تحریری حکم جاری کردیا۔ عدالت نے ایف آئی اے کو مونس الہی اور محمد جبران کو بیرون ملک سے گرفتار کرنے کے لیے دوبارہ اقدامات کا حکم دیا۔

وزیر اعظم کا گھریلو صارفین کو گیس سپلائی میں کمی کی شکایات پر نوٹس

تحریری حکم نامےمیں کہا گیا کہ جے آئی ٹی کے ہیڈ عمرے پر ہونے کے باعث عدالت میں پیش نہیں ہوئے، اور آئندہ سماعت پر گرفتاری سے متعلق اقدامات کی رپورٹ پیش کی جائے۔

پرویز الہی کی جانب سے بھی بریت کی درخواست دائر کی گئی ہے، پرویز الہٰی کی بریت کی درخواست پر نوٹس جاری کرتے فریقین سے دلائل طلب کر لئے ہیں۔ فریقین آئندہ سماعت پر دلائل دیں گے۔

سپیشل سینٹرل عدالت نے تحریری حکم میں کیس کی مزید سماعت 20 جنوری تک ملتوی کردی ہے۔