راولپنڈی کے تھانہ آر اے بازار کے علاقے سے ایف بی آر کے اسسٹنٹ ڈائریکٹر رحمت اللہ خان لاپتہ ہوگئے، پولیس نے مقدمہ درج کر لیا۔

مقدمہ رحمت اللہ خان کے سالے محمد شفیق کی مدعیت میں درج کیا گیا۔

ایف آئی آر کے مطابق رحمت اللہ خان 12 اپریل کو دوستوں سے عید ملنے گھر سے نکلے لیکن تاحال واپس نہ پہنچے۔

مدعی نے کہا کہ موبائل فون پر رابطہ کرنے پر کالز ریسیو نہ ہوئیں، بعد میں موبائل بند ہو گیا، خدشہ ہے کہ رحمت اللہ خان کے ساتھ کوئی حادثہ پیش آگیا یا انھیں اغواء کرلیا گیا۔