پاکستان تحریک انصاف (پی ٹی آئی) نے عام انتخابات میں ہونے والی دھاندلی کے خلاف اتوار کو احتجاج کا اعلان کردیا۔

قوم کے مینڈیٹ پر ڈاکا ڈالنے اور مخصوص نشستیں چھیننے کے خلاف پاکستان تحریک انصاف نے 10 مارچ بروز اتوار ملک بھر میں پرامن احتجاج کی کال دے دی۔

ترجمان پی ٹی آئی کا کہنا ہے کہ پی ٹی آئی انتخابی دھاندلی اور مخصوص نشستوں پر اپنے حق سے کسی صورت دستبردار نہیں ہو گی، یہ قوم زیادتی ہرگز تسلیم نہیں کرے گی۔