پشاور میں تھانہ ریگی کی حدود میں دہشت گردوں کا حملہ ناکام بنادیا گیا، پولیس کا کہنا ہے کہ بروقت کارروائی کرکے 8 سے زائد دہشت گردوں کو بھاگنے پر مجبور کردیا۔

ابتدائی اطلاعات کے مطابق آٹھ سے زائد دہشت گردوں نے حملہ کرنے کی کوشش کی، جس پر پولیس نے تھرمل ویپن کی مدد سے دہشت گردوں کا حملہ ناکام بنایا۔

جمعہ خان خوڑ کے قریب شدت پسند حملے کیلئے پوزیشن ڈھونڈ رہے تھے کہ پولیس نے بروقت کارروائی کرکے 8 سے زائد دہشت گردوں کو بھاگنے پر مجبور کردیا۔

دہشت گردوں کے فرار کے بعد پولیس نے علاقے میں سرچ آپریشن شروع کردیا۔