لاہور سیف سٹی اتھارٹی نے ایمرجنسی ون فائیو پر کال موصول ہونے کے بعد دو ڈکیتوں کو پکڑوا دیا۔

ترجمان سیف سیٹیز کے مطابق ایمرجنسی نمبر ون فائیو پر ملتان روڈ ڈھولنوال سے شہری کی چھینا جھپٹی سے متعلق کال موصول ہوئی جس پر سیف سٹی ٹیم نے تھانہ نواں کوٹ اور تھانہ ملت پارک پولیس کو فوری روانہ کیا۔

حکام کا کہنا ہے کہ سیف سٹی کی نشاندہی پر پولیس نے 2 رکنی سنیچر گینگ کو گرفتار کر لیا جن کی شناخت رحمٰن اور زمان کے نام سے ہوئی، پولیس نے ملزمان کے خلاف مقدمہ درج کر لیا ہے۔