لاہور کی انسداد دہشت گردی عدالت نے سابق ایم پی اے نذیر احمد چوہان سمیت دیگر افراد کو پولیس پارٹی پر حملہ اور تشدد کے مقدمے میں بری کردیا۔

انسدادِ دہشت گردی عدالت کی جج عبہر گل نے فیصلہ سنایا۔ دوران سماعت نذیر احمد چوہان سمیت آٹھ ملزمان نے عدالت میں پیش ہوکر حاضری مکمل کروائی۔

عدالت میں آٹھ گواہوں کے بیانات قلمبند کیے گئے۔ مقدمے میں نامزد افراد میں نذیر احمد چوہان ، سعد نذیر ،عابد علی، رفاقت علی ، حافظ رضوان ، قاسم ، فیصل مقبول اور قمر عباس شامل ہیں۔

نذیر چوہان سمیت دیگر کے خلاف تھانہ چوہنگ پولیس نے مقدمہ درج کررکھا تھا۔