نگراں وزیراعظم انوارالحق کاکڑ سے نیول چیف ایڈمرل نوید اشرف کی ملاقات ہوئی، جس میں پاک بحریہ سے متعلق پیشہ وارانہ امور پرتبادلہ خیال کیا گیا۔

نگراں وزیراعظم انوارالحق کاکڑ سے نئے تعینات ہونے والے چیف آف نیول اسٹاف ایڈمرل نوید اشرف نے ملاقات کی۔

اس ملاقات میں پاک بحریہ سے متعلق پیشہ وارانہ امور پر بھی بات چیت کی گئی۔

نگراں وزیراعظم نے ایڈمرل نوید اشرف کو پاک بحریہ کی کمان سنبھالنے پر مبارکباد دی اور نیک خواہشات کا اظہار کیا۔

انوار الحق کاکڑ نے کہا کہ امید ہے آپ کی سربراہی میں پاک بحریہ ملکی دفاع میں اپنا فعال کردار ادا کرتی رہے گی۔