کوئٹہ میں معمولی تکرار پر 2 گروپوں میں تصادم کے نتیجے میں ایک شخص جاں بحق جبکہ 3 زخمی ہوگئے۔

پولیس کے مطابق منگل اور بدھ کی درمیانی شب کوئٹہ کے علاقے ایئر پورٹ روڈ کے قریب معمولی تکرار پر پڑوسیوں کے 2 گروپوں کے درمیان تصادم ہوگیا، فائرنگ سے ایک شخص جاں بحق ہو گیا اور تین زخمی ہوگئے۔

واقعے کی اطلاع ملنے پر پولیس نے موقع پر پہنچ کر لاش اور زخمیوں کو سول اسپتال منتقل کیا۔

پولیس نے ضروری کارروائی کے بعد لاش ورثاء کے حوالے کرتے ہوئے نامزد ملزمان کے خلاف مقدمہ درج کر کے مزید تفتیش شروع کردی۔