اسلام آباد ہائیکورٹ نے پولیس کو تحریک انصاف کے رہنما فواد چوہدری کو 14 دن تک گرفتار کرنے سے روک دیا۔

اسلام آباد ہائی کورٹ میں تحریک انصاف کے رہنما فواد چوہدری کی لاہور مقدمہ میں حفاظتی ضمانت کی درخواست پر سماعت ہوئی۔

فواد چوہدری اپنے وکیل علی بخاری کے ہمراہ عدالت پیش ہوئے، اور لاہورکی عدالت میں پیشی کیلئے حفاظتی ضمانت کی درخواست دی۔

فواد چوہدری اور شاہ محمود قریشی کے خلاف ایک اور مقدمہ درج

چیف جسٹس عامر فاروق نے درخواست پر احکامات جاری کئے، عدالت نے فواد چوہدری کی 20 ہزار روپے مچلکوں کے عوض 14 روز کیلئے حفاظتی ضمانت منظور کرلی، اور پولیس کو ان کی گرفتاری سے روک دیا۔

واضح رہے کہ پی ٹی آئی رہنما فواد چوہدری نے لاہور کی عدالت میں پیشی کیلئے حفاظتی ضمانت کرائی ہے۔