کراچی میں آٹے کی بڑھتی ہوئی قیمت نے دو وقت کی روٹی کا حُصول بھی چھین لیا، آٹے کی قیمت بڑھتے ہی روٹی بھی مہنگی ہوگئی ہے۔

آٹے کی قیمت میں 20 روپے اضافے بعد آٹا 120 سے 140 کردیا گیا، جس کے بعد روٹی کی قیمت بھی 20 سے 25 کردی گئی۔

آٹے کا کاروبار کرنے والوں کا کہنا ہے پہلے آٹا 120 کا بیچ رہے تھے اب 140 کا ہمیں فروخت کرنا پڑھ رہا ہے، جبکہ نان بائیوں نے روٹی کی قیمت 20 سے بڑھا کر25، 30 روپے کرنے کا ارادہ کرلیا ہے۔

شہریوں کا کہنا ہے کہ دُودھ سے لیکر روٹی تک مہنگی ہوچکی ہے اور خواتین کہتی ہیں کہ روٹی بنانے کو گھر میں گیس نہیں، باہر سے روٹی منگوائیں تو روٹی مہنگی پڑتی ہے۔