پارلیمنٹ کے مشترکہ اجلاس کے نام پر قومی خزانے کو کروڑوں کا نقصان پہنچانے کی کوشش کا انکشاف ہوا ہے۔ قومی اسمبلی سیکرٹریٹ کے افسران اور ملازمین اجلاس نہ ہونے کے باوجود سیشن الاؤنس اور ٹی اے ڈی اے لیتے رہے۔ اے جی پی آر نے بلز اور الاؤنس کی ادائیگی روکتے ہوئے انکوائری شروع کردی۔

چیئرمین سینیٹ صادق سنجرانی نے سینیٹ ملازمین کو الاؤنسز دینے سے انکار کرتے ہوئے کہا کہ جب مشترکہ اجلاس ہوا ہی نہیں تو میں اپنے ملازمین کو الاؤنس کیوں دوں؟

پارلیمنٹ کے مشترکا اجلاس کی تاریخ میں ہر ماہ توسیع کردی جاتی ہے، اجلاس ہوا ہی نہیں لیکن ملازمین نے الاؤنس کا بل اے جی پی آر کو بھجوا دیا۔

اے جی پی آر کو ٹی اے ڈی اے کے بلز بھی بھجوائے گئے.

حکام کا کہنا ہے کہ ٹی اے ڈی اے کی مد میں روزانہ 800 روپے ملتے ہیں، جبکہ سیشن الاؤنس بنیادی تںخواہ کے برابر ملتا ہے۔