وفاقی وزیر خزانہ اسحاق ڈار کا کہنا ہے کہ پاکستان کا نام ایف اے ٹی ایف کی گرے لسٹ سے نکلنے سے متعلق اچھی خبر ہے، پرسوں تک خوشخبری آنے کے امکان ہیں۔

فنانشل ایکشن ٹاسک فورس (ایف اے ٹی ایف) کا دو روزہ اجلاس آج سے پیرس میں شروع ہوگا، جس میں پاکستان کا نام گرے لسٹ سے نکالنے کا جائزہ لیا جائے گا۔

وزیر خزانہ اسحاق ڈار کا کہنا ہے کہ گرے لسٹ سے پاکستان کا نام نکلنے سے متعلق اچھی خبر ہے ساتھ ہی انہوں نے پرسوں تک خوشخبری آنے کا امکان بھی ظاہر کردیا۔

اسحاق ڈار نے کہا کہ ملک کے دیوالیہ ہونے کے خدشات مسترد کرتے ہیں۔

انہوں نے کہا کہ میثاق معیشت کو ضروری قرار دے دیا اورجلد مہنگائی پرقابو پانے کا دعوی کیا ہے۔

وزیرخزانہ اسحاق ڈار نے عمران خان پر ملکی مفادات کے خلاف بیانات دینے کا الزام لگا دیا۔