وزیراعظم شہباز شریف 15 ستمبر کو دو روزہ سرکاری دورے پر ازبکستان کے لئے روانہ ہوں گے۔

ترجمان دفتر خارجہ کے مطابق وزیراعظم 15 سے 16 ستمبر کو ازبکستان کا دورہ کریں گے جہاں وہ شنگھائی تعاون تنظیم کے سربراہان اجلاس میں شرکت کریں گے۔

دفتر خارجہ کا کہنا ہے کہ شنگھائی تعاون تنظیم کے اجلاس میں ارکان، مبصر ممالک کے سربراہان شرکت کریں گے جہاں رہنماؤں کی جانب سے اہم عالمی اور علاقائی مسائل پر غور کیا جائے گا۔

دفتر خارجہ نے بتایا کہ اجلاس میں وزیراعظم شہباز شریف سائیڈ لائنز پر دیگر شریک رہنماؤں سے ملاقاتیں کریں گے۔