بدین میں کراچی شارع پر امدادی سامان سے بھرا ٹرک الٹنے سے 2 افراد جاں بحق اور 3 شدید زخمی ہوگئے۔

افسوسناک حادثہ بدین میں کراچی شارع پر دبی شاخ کے قریب پیش آیا جہاں کچھی برادری سے تعلق رکھنے والے 6 افراد سیلاب متاثرین کے لیے امدادی سامان لے کر کراچی سے بدین آرہے تھے کہ اچانک سامان سے بھرا مزدہ ٹرک الٹ گیا، جس کے باعث 2افرادجان کی بازی گئے اور 3 شدید زخمی ہوگئے ۔

جاں بحق ہونے والوں میں شاہ زیب اور محمد یونس نامی نوجوان شامل ہیں جبکہ زخمیوں میں فیضان سنگھار، بابر سنگھار اور رمضان سنگھار شامل ہیں۔

لاشوں اور زخمیوں کو انڈس ڈی ایچ کیواسپتال منتقل کیا گیا ہے جہاں انہیں طبی امداد فراہم کی گئی۔

بعد میں رمضان سنگھار نامی مریض کی حالت تشویشناک ہونے کے باعث اسے کراچی ریفر کردیا گیا ۔