چیف آف ڈیفنس فورسز فیلڈ مارشل عاصم منیر کے اعزاز میں راولپنڈی میں تقریب کا انعقاد کیا گیا ہے۔ تقریب میں پاک فضائیہ اور پاک بحریہ کے سربراہان بھی شریک ہیں۔

جی ایچ کیو راولپنڈی میں چیف آف ڈیفنس فورسز کے اعزاز میں تقریب کا انعقاد کیا گیا ہے۔ تقریب میں فیلڈ مارشل سید عاصم منیر کو گارڈ آف آنرپیش کیا گیا۔ نیول چیف ایڈمرل نوید اشرف اور چیف آف ایئر اسٹاف ظہیر احمد بابر سدھو بھی تقریب میں شریک ہیں۔

مسلح افواج کے دستے نے ایئر چیف ظہیر احمد بابر سدھو اور نیول چیف ایڈمرل نوید اشرف کو سلامی دی۔ اعزازی دستے کی جانب سے مہمانِ خصوصی کو جنرل سلامی پیش کی گئی۔

فیلڈ مارشل عاصم منیر حال ہی میں چیف آف ڈیفنس فورسز تعینات ہوئے ہیں جنہیں آج باضابطہ طور پر تینوں مسلح افواج کی جانب سے گارڈ آف آنر پیش کیا گیا ہے۔