سہ ملکی ٹی ٹوئنٹی سیریز  کے  فائنل  میں  سری لنکا نے پاکستان کو جیت کےلیے 115رنز کاہدف دے دیا۔

راولپنڈی میں کھیلے جا رہے فائنل میچ میں سری لنکن ٹیم پہلے کھیل کر 114 رنز بنا کر آؤٹ ہوئی۔ سری لنکا کی 8 وکٹیں صرف 16 رنز پر گریں۔

سری لنکن تیم کی جانب سے مشرا نے47گیندوں پر 59رنز اسکور کیے جب کہ پاکستان کی جانب سے شاہین آفریدی اور محمد نواز نے 3، 3 وکٹیں حاصل کیں۔
پاکستانی ٹیم میں ایک تبدیلی کی گئی ہے، فاسٹ بولر شاہین آفریدی کی پلیئنگ الیون میں واپسی ہوئی ہے، وسیم جونیئر کو ڈراپ کردیا گیا ہے جب کہ فائنل کے لیے سری لنکن ٹیم میں کوئی تبدیلی نہیں کی گئی۔

3ملکی ٹی20سیریز میں لیگ مرحلے میں پاکستان کی پہلی پوزیشن رہی، سری لنکا نے لیگ مرحلے میں دو میچز جیتے جب کہ آخری لیگ میچ میں سری لنکا نے پاکستان کو 6 رنز سے ہرایا۔