اس اقدام کے تحت جرمانے 2 ہزار درہم تک ہوں گے اور خلاف ورزی کرنے والے ڈرائیوروں کے ڈرائیونگ لائسنس پر 12 بلیک پوائنٹس لگائے جائیں گے، جبکہ گاڑی کی رہائی کی فیس 10 ہزار درہم مقرر کی گئی ہے۔

پولیس کا کہنا ہے کہ مقصد صرف جرمانہ لگانا نہیں بلکہ شہریوں میں سڑکوں پر مہذب رویے کو فروغ دینا ہے۔ دبئی پولیس نے بتایا کہ آنے والے مہینوں میں ریڈار کی تعداد بڑھائی جائے گی تاکہ زیادہ سے زیادہ علاقوں میں نگرانی ممکن ہو۔

میجر جنرل سیف مہیر المزروئی نے کہا کہ یہ اقدام دبئی پولیس کے سمارٹ ٹریفک ٹیکنالوجیز میں ایک اہم قدم ہے، جس سے شور اور غیر ضروری رویوں کو کم کرنے میں مدد ملے گی اور سڑکیں محفوظ اور پرسکون بنیں گی۔

پولیس عوامی آگاہی کے پروگرام بھی جاری رکھے گی، تاکہ شور کے انسانی صحت اور ماحول پر اثرات کے بارے میں شعور اجاگر کیا جا سکے۔ المزروئی نے کہا کہ دبئی پولیس جدید ٹیکنالوجی استعمال کر کے قانون نافذ کر رہی ہے تاکہ شہر کے معیار اور عوامی سکون کو برقرار رکھا جا سکے۔