راجہ پرویز اشرف کا کہنا تھا کہ ”ہم حکومت بنانے کی پوزیشن میں ہیں، تعداد مکمل ہے، کسی کی حمایت کی ضرورت نہیں۔“

اس موقع پر پیپلزپارٹی آزادکشمیر کے صدر چوہدری یاسین نے کہا کہ شہید بے نظیر بھٹو نے ہمیشہ کشمیر کو ترجیح دی جبکہ صدر آصف علی زرداری نے ہر فورم پر کشمیریوں کے حقِ خودارادیت کی آواز بلند کی۔

وزیراعظم آزاد کشمیر کے خلاف تحریک عدم اعتماد تیار، مطلوبہ تعداد میں ارکان نے دستخط کردیے

چوہدری یاسین کا مزید کہنا تھا کہ آزادکشمیر میں پیپلزپارٹی کی پوزیشن بہت مضبوط ہے اور موجودہ سیاسی صورتحال کو سامنے رکھتے ہوئے فیصلہ کیا گیا ہے۔

انہوں نے بتایا کہ وزارتِ عظمیٰ کے لیے فیصل ممتاز راٹھور کا نام طے کیا گیا ہے۔ انہوں نے مزید کہا ”ہمارے پاس 27 گولڈن نمبر ہیں، اگر مسلم لیگ ن کے ارکان شامل ہو جائیں تو تعداد 40 تک ہو جائے گی۔“

انہوں نے کہا کہ ”پیپلزپارٹی اور کشمیر کا چولی دامن کا ساتھ ہے۔“

آزاد کشمیر: وزارت عظمیٰ کے لیے چوہدری یاسین کے نام پر پیپلزپارٹی میں اختلافات

بعدازاں راجہ پرویز اشرف نے فیصل راٹھور کو پڑھا لکھا اور تجربہ کار نوجوان قرار دیتے ہوئے کہا کہ پیپلزپارٹی کشمیر میں باہمی مشاورت کے ساتھ مسائل حل کرنے نکلے گی۔ انہوں نے کہا کہ بلاول بھٹو نے پہلگام واقعے پر دنیا بھر میں سفارتی محاذ پر بھرپور کردار ادا کیا۔

راجہ پرویز اشرف نے مزید کہا کہ وزیراعظم شہباز شریف نے بھی کشمیری عوام کے ساتھ کھڑے ہونے کا اعلان کیا ہے۔انہوں نے تصدیق کی ”ہم آج ہی تحریک عدم اعتماد لائیں گے اور ووٹنگ پیر کے روز ہوگی۔“

تحریک عدم اعتماد کی منظوری اور امیدوار کے اعلان کے بعد آزادکشمیر میں سیاسی ہلچل مزید تیز ہو گئی ہے، اور اگلے چند دن سیاسی مستقبل کا اہم تعین کریں گے۔