’روس کسی بھی وقت نیٹو پر محدود حملے شروع کردے گا‘، جرمن جنرل کی وارننگ
جرمنی کے اعلیٰ فوجی عہدیدار لیفٹیننٹ جنرل الیگزینڈر سولفرینک نے خبردار کیا ہے کہ روس کسی بھی وقت نیٹو کے رکن ممالک کی سرزمین پر محدود پیمانے پر حملہ کر سکتا ہے۔ ان کا کہنا ہے کہ اگرچہ روس یوکرین جنگ میں مصروف ہے، لیکن اس کی عسکری طاقت ابھی بھی ایسی ہے کہ ”چھوٹے، تیز اور علاقائی نوعیت کے حملے“ ممکن ہیں۔
خبر رساں ادارے رائٹرز سے گفتگو کرتے ہوئے جنرل سولفرینک نے کہا، “اگر روس کی موجودہ فوجی صلاحیتوں اور طاقت کو دیکھا جائے تو وہ کل ہی نیٹو کے کسی رکن ملک پر ایک چھوٹے پیمانے کا حملہ شروع کر سکتا ہے۔ یہ کوئی بڑی جنگ نہیں ہوگی، کیونکہ روس یوکرین میں بری طرح الجھا ہوا ہے۔”
انہوں نے مزید کہا، ’’یہ کوئی بڑا حملہ نہیں ہو گا، چھوٹا، تیز اور علاقائی سطح تک محدود رہے گا۔ روس اس وقت یوکرین میں بری طرح مصروف ہے، اس لیے بڑے حملے کا امکان نہیں۔‘‘
Read Comments