بھنڈی، جسےلیڈی فنگر بھی کہا جاتا ہے، کھانوں میں ایک عام اور پسندیدہ سبزی ہے۔ سبزی کے طور پر بھنڈی کی ڈرائی سبزی تقریباً ہر گھر میں سال بھر بنتی رہتی ہے۔ مگر اکثر اسے پکاتے وقت بھنڈی چپچپی اور لیس دار ہو جاتی ہے، جس سے پکانے کا عمل مشکل اور لمبا ہو جاتا ہے۔
اگر آپ بھی بھنڈی پکاتے ہوئے یہ مسئلہ بار بار محسوس کرتی ہیں، تو یہ رہنما اصول آپ کے لیے ہے۔
سلائم سے بچنے کا پہلا قدم ہے بازار سے صحیح بھنڈی منتخب کرنا۔ ہلکی نرم اور کم بیج والی بھنڈی کو ترجیح دیں۔ ہلکا سا دباؤ دے کر یہ جانچ لیں کہ بھنڈی تازہ ہے یا نہیں۔
لیس زیادہ تر پانی کی وجہ سے بنتا ہے۔ دھونے کے بعد بھنڈی کو صاف تولیے پر رکھ کر مکمل خشک کریں۔
بھنڈی تلنے سے پہلے ایک چمچ دہی یا چند قطرے لیموں کا رس ڈالیں۔ یہ نہ صرف چپچپا پن کم کرے گا بلکہ بھنڈی کو ہلکی کھٹی خوشبو بھی دے گا۔
شروع میں تھوڑا سا بیسن بھنڈی میں شامل کریں اور بھُونیں۔ یہ طریقہ لیس پیدا ہونے سے بچاتا ہے اور بھنڈی کو مزیدار بناتا ہے۔
ایک کپ پانی میں ¼ کپ سرکہ ملا کر بھنڈی کو چند منٹ کے لیے بھگو دیں۔ پکانے سے پہلے اچھی طرح خشک کرنا نہ بھولیں۔
بھنڈی پکاتے وقت پین کو ڈھکن سے ڈھانپنے سے بھاپ بنتی ہے، جولیس بڑھا سکتی ہے۔ کھلا پین استعمال کریں۔
نمک بھی نمی پیدا کرتا ہے، اس لیے اسے بھنڈی تقریباً پکنے کے بعد شامل کریں تاکہ سلائم نہ بنے۔
یہ چھوٹے چھوٹے نکات نہ صرف بھِنڈی کو چپچپا اورلیس دور ہونے سے بچائیں گے بلکہ اس کے ذائقے کو بھی بڑھائیں گے۔ اگلی بار بھِنڈی پکاتے وقت یہ ٹپس آزمائیں اور اپنی پسندیدہ سبزی کو مزیدار انداز میں تیار کریں۔
