بھارت کے مشہور و معروف پلے بیک سنگر سونُو نِگم نے اپنے کیریئر کی ابتدائی کامیابی کا کریڈیٹ پاکستانی لوک گائیک عطا اللہ عیسیٰ خیلوی کودے دیا۔
گووندا، سنیتا آہوجا میں طلاق کی خبروں کی تردید
معروف صحافی فریدون شہریار کو دیے گئے ایک انٹرویو میں سونو نگم نے انکشاف کیا کہ ان کے گلوکاری کے سفر کی شروعات عطا اللہ عیسیٰ خیلوی کے شہرہ آفاق گانے ”اچھا صلہ دیا تُو نے میرے پیار کا“ سے ہوئی تھی، جو ان کی زندگی اور کیریئر کا ٹرننگ پوائنٹ ثابت ہوا۔
سونُو نِگم نے انٹرویو میں ان کی گائیکی کو زبردست خراج تحسین پیش کرتے ہوئے کہا کہ عطا اللہ صاحب انتہائی اچھے اور پیار کرنے والے انسان ہیں اور میری زندگی میں ان کی بہت اہمیت ہے۔
انہوں نے مزید کہاکہ، جب میں نے ان کا گانا گایا تھا توانہوں نے مجھے خود فون کر کے میری تعریف کی اور کہا کہ میں بس یہ کہنا چاہتا ہوں کہ آپ نے یہ گانا بہت خوبصورتی سے گایا۔’
شاہ رخ خان کا جذباتی لمحہ: بیٹے آریان خان کو پہلی بار فلمی دنیا میں متعارف کرایا
انہوں نے مزید کہا، اُس وقت میری عمر صرف اُنیس سال تھی۔ میں ان کی آواز سن کر حیران رہ گیا کہ اتنی بڑی شخصیت اور ایک نئے آنے والے سنگر سے اتنی اپنائیت سے بات کر رہے تھے جو میرے لیے کسی اعزاز سے کم نہیں تھا۔
ان کا کہنا تھا کہ ، میں ہمیشہ ایسے لیجنڈز کا شکر گذار رہتا ہوں جنہوں نے میرے سفر میں مدد کی اور جن کا میرے کیریئر کی کامیابی میں بڑا حصہ رہا۔ میں خود کو ان سب کا مقروض سمجھتا ہوں۔
سونُو نِگم نے عطا اللہ عیسیٰ خیلوی کے فن کی تعریف کرتے ہوئے کہا،“ اُن کے گانوں میں جو درد اور سچائی ہے، وہ دل کو چھو لیتی ہے۔ میری موسیقی کے سفر پر ان کے فن کا گہرا اثر رہا ہے۔“ اچھا صلہ“ میرے کیریئر کا ٹرننگ پوائنٹ تھا۔ ایک ایسا گانا جو بھارت کے ہر گھر میں سنا گیا۔“
سونُونِگم کا شمار بھارت کے کامیاب ترین گلوکاروں میں ہوتا ہے۔ انہوں نے نہ صرف فلمی موسیقی میں بلکہ لائیو کنسرٹس، بھجن، غزلوں اور مختلف زبانوں میں بھی اپنی آواز کا جادو جگایا ہے۔ ان کے گائے ہوئے بے شمار نغمے آج بھی شوق سے سنے اور پسند کیے جاتے ہیں۔
