کراچی میں بوٹ بیسن تھانے کی حدود میں برآمد مرد اور خاتون کی لاشوں کی شناخت ہوگئی، پولیس نے لڑکی ثنا کے بھائی کو گوجرانوالہ پولیس نے حراست میں لے لیا ہے، ملزم وقاص نے بہن کے اغوا کے مقدمہ گوجرانوالہ کی تحصیل نوشہرہ ورکاں کے تھانہ تتلے عالی میں درج کروا رکھا تھا۔

کراچی کے ساحل پر نوجوان لڑکا لڑکی کی لاشیں برآمد ہوئیں، جن کے سروں پر گولیاں ماری گئی ہیں۔

پولیس کے مطابق لاشوں کی شناخت ساجد مسیح اور ثنا آصف کے ناموں سے ہوئی جن کا تعلق گوجرانوالا سے ہے۔ پولیس نے بتایا کہ مقتولین کے پاس سے موبائل فون، نقدی بھی ملے ہیں۔ لاشیں 6 سے 7 گھنٹے پرانی ہیں۔

پولیس نے مزید کہا کہ پیدل یا موٹر سائیکل پر لایا گیا، یا پھر تعاقب کرکے قتل کیا گیا۔

اس سے قبل پولیس نے شبہ ظاہر کرتے ہوئے کہا تھا کہ ایسا لگتا ہے جیسے دونوں لڑکا لڑکی کو کہیں سے لاکر یہاں مارا گیا ہو۔ پولیس نے بتایا کہ ساحل کا یہ علاقہ سنسان ہے۔ دونوں کو سروں پر گولیاں ماری گئیں

ایس ایس پی ساؤتھ مہزور علی نے کہا کہ ابتدائی معلومات کے مطابق لڑکی اور لڑکے کو گولیاں مار کر قتل کیا گیا ہے، مقتولین کی شناخت نہیں ہوئی ہے۔

مقتولہ ثنا کے بھائی کو گوجرانوالا پولیس نے حراست میں لے لیا

کراچی میں جوڑے کے قتل کا معاملے پر لڑکی ثنا کے بھائی کو گوجرانوالا پولیس نے حراست میں لے لیا ہے۔

زرائع کے مطابق ملزم وقاص نے بہن کے اغوا کے مقدمہ گوجرانوالا کی تحصیل نوشہرہ ورکاں کے تھانہ تتلے عالی میں درج کروا رکھا تھا۔

پولیس کے مطابق زیر حراست ملزم کے خلاف ابھی تک کوئی شکایت نہیں ملی اور نہ ہی کراچی پولیس نے وقاص کی گرفتاری کا کہا ہے۔

پولیس کے مطابق وقاص سے مختلف زاویوں سے تحقیقات کی جارہی ہے، ابتدائی معلومات کے مطابق کراچی کلفٹن میں قتل ہونے والے جوڑے کا تعلق گوجرانوالہ کی تحصیل نوشہرہ ورکاں کے تھانہ تتلے عالی کے نواحی گاؤں بوڑھا گورائیہ سے ہے۔

مقتولہ لڑکی ثناء کے بھائی کی درخواست پر متعلقہ تھانہ میں اغوا کی ایف آئی آر درج ہے جبکہ جوڑے کے کراچی میں قتل کی اطلاع کے بعد سے دونوں خاندان تاحال روپوش ہیں۔