بھارت کے سابق وزیر داخلہ پی چدمبرم نے پہلگام حملے کے حوالے سے تہلکہ خیز انکشاف کرتے ہوئے کہا ہے کہ اس واقعے میں پاکستان کے ملوث ہونے کا کوئی ثبوت موجود نہیں، بلکہ حملہ آور دراصل بھارتی شہری تھے جنہوں نے بھارت کے اندر ہی دہشتگردی کی تربیت حاصل کی۔

سابق بھارتی وزیر داخلہ چدمبرم نے بھارتی میڈیا کو انٹرویو دیتے ہوئے کہا کہ حکومت بغیر ثبوت کی بنیاد پر کیسے دعویٰ کرسکتی ہے کہ دہشتگرد پاکستان سے آئے تھے؟ اگر ایسا ہے تو ثبوت کیوں نہیں پیش کیے گئے؟

ان کا کہنا تھا کہ بھارتی حکومت ابھی تک کسی حملہ آور کی شناخت تک نہ کرسکی اور نہ ہی کوئی گرفتاری سامنے آئی۔

نہ ملاقات، نہ وقعت – مودی کی عالمی سطح پر بے عزتی کا منظر

واضح رہے کہ اپریل 2025 میں مقبوضہ کشمیر کے سیاحتی علاقے پہلگام میں ہونے والے حملے میں 26 افراد جان کی بازی ہار گئے تھے، جس کے بعد بھارت نے ’آپریشن سندور کا آغاز کیا تھا۔

مودی راج میں ہندوتوا پسندوں کے ہاتھوں نہ صرف اقلیتیں بلکہ فوجی اہلکار بھی غیر محفوظ اور بےبس

چدمبرم کے بیان کے بعد بھارت کی حکمراں جماعت بھارتیہ جنتا پارٹی (بی جے پی) کی جانب سے کانگریس پر تنقید کا سلسلہ جاری ہے۔ بی جے پی کے کئی رہنماؤں نے چدمبرم کے بیان کو پہلگام واقعے میں پاکستان کو کلین چٹ دینے سے تعبیر کیا ہے۔