مودی سرکار کے من گھڑت ”میڈ اِن انڈیا“ بیانیے کی قلعی کھل گئی، بھارت کی پیداواری معیشت کا مصنوعی دعویٰ دنیا کے سامنے بے نقاب ہوگیا۔
ذرائع کے مطابق چینی تعاون کے بغیر بھارت کی آئی ٹی اور الیکٹرونکس صنعت مفلوج نکلی، مودی سرکار کی خود انحصاری محض فریب ثابت ہوگئی۔
گزشتہ چھ ماہ میں بھارت سے 100 سے زائد چینی ماہرین واپس بلا لیے گئے۔ چینی انجینئرز کی واپسی کے بعد بھارت کی آئی فون پروڈکشن لائن سست روی اور ناکامی کا شکار ہوگئی۔
پریس ریڈر کے مطابق فاکسکون کے چینی ماہرین کی واپسی نے بھارت میں ایپل کی پیداوار میں توسیع اور آمدنی میں اضافے کی امیدوں کو شدید دھچکا پہنچایا ہے۔
افغان طالبان اور بھارت کا گٹھ جوڑ بے نقاب: سابق افغان جنرل کے ہوشربا انکشاف
بھارتی حکومت کے دعووں کے برعکس، مقامی اسمبلی لائنز چینی ماہرین کی عدم موجودگی میں خود کفالت ثابت کرنے میں ناکام دکھائی دی۔
رپورٹ کے مطابق بھارت میں ویلیو ایڈیشن یعنی ”خالص منافع“ اب براہِ راست چینی تکنیکی معاونت سے منسلک ہو چکا ہے۔
پریس ریڈر کے مطابق فاکسکون کی بھارتی سبسڈری ”رائزنگ اسٹارز ہائی ٹیک“ چینی ماہرین کے بغیر پیداواری اہداف حاصل کرنے سے قاصر نظر آتی ہے۔ بھارت میں 80 سے 90 ملین آئی فونز سالانہ تیار کرنے کا ہدف اب چینی ماہرین کے بغیر صرف ایک تخمینہ محسوس ہوتا ہے۔
نہ ملاقات، نہ وقعت – مودی کی عالمی سطح پر بے عزتی کا منظر
پریس ریڈر کے مطابق چینی انجینئرز کی واپسی نے بھارت میں ایپل کی طویل مدتی سرمایہ کاری کے عمل کو غیر یقینی بنا دیا، بھارت کی 500 ارب ڈالر الیکٹرانکس معیشت کا خواب، چینی مہارت کے بغیر زمینی حقیقت سے کوسوں دور ہے۔
پریس ریڈر نے بتایا کہ امریکی، ویتنامی اور تائیوانی ماہرین کو متبادل کے طور پر لایا گیا ہے، بھارت کے پاس کوئی تربیت یافتہ مقامی فورس نہیں، اسی لیے بیرونی ماہرین پر انحصار کیا جارہا ہے۔
پریس ریڈر نے مزیز بتایا کہ بھارتی حکام کے بلند دعوؤں کے باوجود، فنی تربیت کا عمل تاحال مکمل خودمختاری حاصل کرنے میں ناکام رہا، فاکسکون سے چینی قیادت کے انخلا نے بھارت کے کھوکھلے اور ناتجربہ کار ٹیک ماڈل کی حقیقت بے نقاب کر دی۔
مودی کی ڈھٹائی، پاک بھارت تنازع پر امریکی ثالثی ماننے سے انکار
مودی سرکار کا ’میڈ ان انڈیا‘ محض نعرہ ثابت ہوا، انحصار آج بھی بیرونی پروڈکٹس اور ماہرین پر قائم ہے
مودی سرکار کے جھوٹے دعوے اور ناکام پالیسیاں، بھارت عالمی سرمایہ داروں کے لیے خودکشی بنتے جا رہے۔
