فلسطین کی مزاحمتی تنظیم حماس نے امریکی ثالِثی میں پیش کردہ غزہ جنگ بندی منصوبے پر اپنا مثبت جواب ثالِثوں کے حوالے کردیا۔

رپورٹ کے مطابق حماس عہدیدار نے کہا ہے کہ منصوبے پر عملدرآمد کے طریقہ کار پر بات چیت کے لیے فوری طور پر تیار ہیں۔ غزہ میں جنگ بندی کے لیے فوری طور پر مذاکرات شروع کرنے کے لیے تیار ہیں۔

صدر ٹرمپ کا حماس کی جانب سے جنگ بندی مذاکرات پر آمادگی کا خیرمقدم کیا گیا۔ انہوں نے کہا کہ آئندہ ہفتے غزہ معاہدہ ہوسکتا ہے۔

ان کا کہنا تھا کہ غزہ سے متعلق بہت کچھ کرنا ہے۔ غزہ میں بہت سی امداد بھیج رہے ہیں۔

اسرائیل غزہ میں جنگ بندی کے لیے تیار ہے ،ٹرمپ

صدر ٹرمپ نے کہا کہ ایران کا جوہری پروگرام مکمل ختم کردیا لیکن ایران اسے دوبارہ شروع کرسکتا ہے اسرائیلی وزیراعظم سے ایران سے متعلق بات کروں گا۔

خیال رہے کہ امریکی صدر ٹرمپ نے غزہ میں امن قائم کرنے کیلئے 60 روزہ جنگ بندی کی نئی تجویز پیش کی تھی۔

اس کے علاوہ صدر ٹرمپ نے یہ کہا تھا کہ 24 گھنٹے میں پتا چل جائے گا کہ اسرائیل حماس ڈیل کا کیا ہوتا ہے۔