بھارتی فوج کے سابق افسر اور دفاعی تجزیہ کار پروین ساہنی نے کہا ہے کہ گیارہ برسوں میں بھارت کی دفاعی اور خارجہ پالیسیاں ناکام نہیں بلکہ مکمل طور پر زمیں بوس ہوچکی ہیں۔
سماجی رابطے کی ویب سائٹ ’ایکس‘ پر ایک پیغام میں پراوین ساہنی نے کہا کہ ’اس زوال میں بڑا حصہ زعفرانی سوچ سے متاثر، جاہل، بے وقوف اور خود پسندی کا شکار مین اسٹریم میڈیا کا ہے، جس میں ریپبلک اور این ڈی ٹی وی جیسے چینلز پیش پیش ہیں۔‘
سابق فوجی افسرکا بھارتی چیف آف ڈیفنس اسٹاف سے مستعفی ہونے کا مطالبہ
انہوں نے ایکس پر پیغام میں لکھا اس تباہی میں جاہل، بے وقوف اور خودپسند مرکزی میڈیا کا بڑا کردار ہے، ری پبلک اور این ڈی ٹی وی جیسے چینلز تباہی میں پیش پیش ہیں، یہ لوگ اصل میں غدار ہیں، اپنے بارے میں وضاحت دیتے ہوئے لکھا کہ ’میں پاکستان، چین یا کسی اور ملک کا ایجنٹ نہیں ہوں، میں ایک ایسا شخص ہوں جو اپنے وطن کو ترقی کرتا دیکھنا چاہتا ہے۔‘
انہوں نے یہ بیان ایک سوشل میڈیا پیغام میں دیا، جس میں انہوں نے بھارت کے مرکزی میڈیا کو بھی شدید تنقید کا نشانہ بنایا۔ پروین ساہنی کا کہنا تھا کہ ”اس تباہی میں جاہل، بے وقوف اور خودپسند مرکزی میڈیا کا بڑا کردار ہے،“ اور انہوں نے خاص طور پر ری پبلک ٹی وی اور این ڈی ٹی وی جیسے چینلز کا ذکر کرتے ہوئے کہا کہ ”یہ لوگ اصل میں غدار ہیں۔“
بعد ازاں ایک اور پوسٹ میں پراوین ساہنی نے کہا کہ ’انڈونیشیا میں بھارت کے نیول اتاشی کیپٹن شیو کمار نے آپریشن سندور میں بھارتی فضائیہ (آئی اے ایف) کے کردار پر ایک دلچسپ بیان دیا ہے‘۔
ان کا کہنا تھا کہ ’اسے درست اور وسیع تر تناظر میں پیش کرنا ضروری ہے، میں اس پر آج ایک ویڈیو (ہندی میں) کروں گا جو آن لائن آئے گی۔‘
