عالمی سطح پر خلائی تحقیق میں اہم پیشرفت ہوئی ہے، جب ویب ٹیلی اسکوپ نے خلا میں ایک نیا ایلین سیارہ دریافت کیا ہے جسے ’Antlia‘ کا نام دیا گیا ہے۔ اس سیارے کا سائز نظامِ شمسی کے دوسرے بڑے سیارے ’سیٹرن‘ جتنا ہے اور یہ ایک چھوٹے سورج جیسے ستارے کے گرد چکر لگا رہا ہے۔
یہ نیا سیارہ زمین سے تقریباً 110 نوری سال کے فاصلے پر واقع ہے، جسے ویب ٹیلی اسکوپ کی جدید تحقیقاتی ٹیکنالوجی کے ذریعے دریافت کیا گیا۔ اس دریافت میں فرانسیسی ڈیوائس ’کورونوگراف‘ کی مدد لی گئی، جس نے خلا میں موجود اس نئے سیارے کی تصاویر اور معلومات حاصل کرنے میں اہم کردار ادا کیا۔
سیارہ ’اینٹلیا‘ اپنی ساخت اور حجم میں زمین سے کہیں زیادہ بڑا ہے، اور اس کی خصوصیات نظامِ شمسی کے سیاروں سے مختلف ہیں۔ یہ سیارہ ایک چھوٹے ستارے کے گرد چکر لگاتا ہے، جس سے اس کے ماحول اور ممکنہ زندگی کی تلاش میں خلائی سائنسدانوں کی دلچسپی بڑھ گئی ہے۔
’خلائی مخلوق کا حملہ، 20 روسی فوجی پتھر میں تبدیل‘
ویب ٹیلی اسکوپ نے اپنی اعلیٰ کارکردگی کی بدولت خلا میں موجود مختلف سیاروں، ستاروں اور دیگر اجرام فلکیہ کی تفصیل سے تجزیہ کیا ہے، جس سے یہ دریافت ممکن ہو سکی۔ ویب ٹیلی اسکوپ کی صلاحیتوں کا استعمال کرتے ہوئے، سائنسدان اب ان سیاروں اور ستاروں کی زیادہ بہتر شناخت اور ان کے متعلق تفصیلات حاصل کر سکتے ہیں جو پہلے ممکن نہیں تھا۔
سمندر کنارے ایلین نما مچھلی نے ماہی گیر کو بھی خوفزدہ کردیا
اس دریافت کے ذریعے نہ صرف ہمارے نظامِ شمسی سے باہر سیاروں کی مزید تحقیقات ممکن ہوں گی بلکہ اس سے خلائی سائنس کے مختلف پہلوؤں پر بھی روشنی پڑے گی، خاص طور پر ان سیاروں کی جغرافیائی اور موسمیاتی حالتوں کے حوالے سے۔ سائنسدانوں کا کہنا ہے کہ ’اینٹلیا‘ سیارہ کی مزید تحقیق سے ہمیں دوسرے سیاروں پر زندگی کی موجودگی کے بارے میں نئی معلومات حاصل ہو سکتی ہیں۔
