اسرائیلی وزیر دفاع اسرائیل کاٹز نے کہا ہے کہ 12 روزہ جنگ کے دوران اسرائیل نے ایران کے سپریم لیڈر آیت اللہ علی خامنہ ای کو جان سے مارنے کا پلان بنایا تھا جو کامیاب نہ ہوسکا۔
خبر رساں ایجنسی رائٹرز کے مطابق اسرائیلی وزیر دفاع نے اسرائیلی عوامی نشریاتی ادارے ”کان“ کو دیے گئے انٹرویو میں کہا کہ اگر خامنہ ای ہمارے نشانے پر ہوتے تو ہم انہیں ختم کر دیتے۔
انہوں نے مزید بتایا کہ ایرانی رہنما روپوش ہوگئے تھے جس کے باعث کمانڈرز سے رابطہ ختم کردیا تھا۔ جس کی وجہ سے حملہ غیر حقیقت پسندانہ بن گیا۔
اسرائیلی وزیر دفاع نے یہ بھی کہا کہ اسرائیل کو آیت اللہ خامنہ ای کو قتل کرنے کے لیے امریکہ کی اجازت کی ضرورت نہیں تھی۔
کاٹز نے اسرائیل کے چینل 13 کو انٹرویو میں بتایا کہ ہم خامنہ ای کو ختم کرنا چاہتے تھے، لیکن ایسا کرنے کا کوئی عملی موقع نہیں تھا۔
