پاکستان ایئرپورٹس اتھارٹی نے لاہور ائیرپورٹ کو یکم جولائی سے مخصوص اوقات میں بند رکھنے کا فیصلہ کرلیا جبکہ مون سون سیزن میں ائیرپورٹ کے اطراف میں پرندوں کی بھرمار کی وجہ سے تمام ایئر لائنز کو پروازوں کے شیڈول میں تبدیلی کی ہدایت کردی گئی۔

لاہور ایئرپورٹ کے رن وے کو مخصوص اوقات میں بند کرنے کے حوالے سے اجلاس ہوا، جس میں مون سون سیزن کے دوران ایئرپورٹ کے اطراف میں پرندوں کی موجودگی سے متعلق غور کیا گیا۔

پاکستان ایئر پورٹ اتھارٹی کے ذرائع کے مطابق علامہ اقبال انٹرنیشنل ایئرپورٹ کو یکم جولائی سے 15 ستمبر تک صبح کے اوقات میں بند رکھنے کا فیصلہ کیا گیا، مون سون سیزن میں ایئرپورٹ کے اطراف میں پرندوں کی موجودگی کا مسئلہ ہے جبکہ پرندوں کی بھرمار کی وجہ سے صبح 5 بجے سے 8 بجے تک بند رن وے بند رہے گا۔

تمام ائیر لائنز کو پروازوں کے شیڈول میں تبدیلی کی ہدایت کر دی گئی، چیک اِن کی دستیابی اور ’’ایئر کرافٹ پارکنگ بے‘‘ کو مد نظر رکھتے ہوئے فلائٹ شیڈول کو مرتب کیا جائے۔

ایئر لائنز انتظامیہ لاونج کی استعداد کے حساب سے اپنی پروازوں کو ایڈجسٹ کریں۔