ہالا سے تین روز قبل اغوا ہونے والی کالج کی طالبہ کو کراچی کے پوش علاقے ڈیفنس سے بحفاظت بازیاب کرا لیا گیا ہے۔ ہالا پولیس نے لڑکی کی بازیابی کی تصدیق کرتے ہوئے بتایا کہ اغوا کی واردات میں ملوث ملزمان کی تلاش کے لیے چھاپے مارے جا رہے ہیں۔
پولیس حکام کے مطابق واقعہ تین روز قبل رات کے وقت پیش آیا، جب نامعلوم ملزمان گھر میں داخل ہوکر لڑکی کو زبردستی اغوا کر کے لے گئے۔ متاثرہ لڑکی کے والد کی مدعیت میں ہالا تھانے میں اغوا کا مقدمہ درج کیا گیا تھا۔
پولیس کا کہنا ہے کہ معاملے کی ہر پہلو سے تفتیش جاری ہے، تاہم تاحال کسی بھی ملزم کی گرفتاری عمل میں نہیں آ سکی۔ تفتیشی ٹیموں نے مختلف مقامات پر چھاپے مارنے کا سلسلہ شروع کر دیا ہے۔
