پیپلزپارٹی کا وفد مولانا فضل الرحمان سے ملنے جا پہنچا۔ خورشید شاہ، قمرزمان کائرہ اور دیگر کی سربراہ جے یوآئی سے ملاقات کی اور مولانا اسجد محمود کی خیریت دریافت کی، ملاقات کے دوران ملکی سیاسی صورتحال اور بجٹ سے متعلق بھی تبادلہ خیال کیا گیا۔

اسلام آباد میں پاکستان پیپلزپارٹی کے رہنماؤں کا ایک وفد جے یو آئی کے سربراہ مولانا فضل الرحمان سے ملاقات کے لیے ان کی رہائش گاہ پہنچا۔

پیپلز پارٹی کے رہنماؤں سید خورشید شاہ، قمرزمان کائرہ، چودھری منظور اور زمرد خان پر مشتمل وفد نے مولانا اسجد محمود کی خیریت دریافت کی۔

ملاقات کے دوران ملکی سیاسی صورتحال اور 2025 کے بجٹ سے متعلق تبادلہ خیال کیا گیا۔ جے یو آئی کی طرف سے ہارون محمود اور مفتی ابرار احمد بھی ملاقات میں شریک ہوئے۔

ملاقات میں دونوں جماعتوں کے رہنماؤں نے ملکی معاشی چیلنجز، بجٹ کے اثرات اور سیاسی تناؤ پر تفصیل سے بات کی۔