پشاور میں تین کمسن بچیوں کو جنسی درندگی کا نشانہ بنانے اور دو کو قتل کرنے کے جرم میں مجرم کو پھانسی کی سزا سنادی گئی۔

تفصیلات کے مطابق جولائی 2022 میں تواتر کے ساتھ تین اتوار کو پیش آنے والے واقعات نے پشاور شہر کو ہلا کر رکھ دیا ۔ 3، 10 اور 17 جولائی کو تین بچیاں لاپتہ ہوئیں۔ تفتیش کے دوران پتہ چلا کہ سہیل نامی ملزم نے ان بچیوں کو جنسی زیادتی کا نشانہ بنایا۔ ان میں سے دو بچیاں زیادتی کے بعد قتل کر دی گئیں۔

مجرم سہیل کا تعلق پشاور کے علاقے سیفد ڈھیری سے ہے۔ مجرم نے تفتیش کے دوران انکشاف کیا کہ وہ صدر بازار میں ایک کڑھائی سینٹر میں زردوزی کا کام کرتا تھا اور اپنی وارداتیں ہر اتوار کو کرتا تھا۔

چائلڈ پروٹیکشن عدالت نے جرم ثابت ہونے پر مجرم سہیل کو تین بار سزائے موت سنادی۔عدالت نے مجرم کو تین بار عمر قید کی سزا بھی سنائی اور 27 لاکھ روپے جرمانہ بھی عائد کیا۔