ایران کے سپریم لیڈر آیت اللہ سید علی خامنہ ای نے اسرائیل کے حالیہ حملے پر شدید ردعمل دیتے ہوئے کہا ہے کہ اسرائیل کو اس جارحیت کی سخت سزا دی جائے گی۔ ان کا کہنا تھا کہ صیہونی ریاست نے ہماری سرزمین کے خلاف ایک گھناؤنا جرم کیا ہے، جس کا انجام انتہائی تلخ اور تکلیف دہ ہوگا۔

ایرانی سپریم لیڈر نے کہا کہ اسرائیل نے خونی طاقت کا استعمال کیا، جس کے نتیجے میں ایران کے متعدد سینئر کمانڈر اور ایٹمی سائنسدان شہید ہو چکے ہیں۔

سپریم لیڈر نے اعلان کیا کہ اسرائیل نے اپنے لیے کڑوا انجام تیار کر لیا ہے، اور وہ وقت دور نہیں جب اسرائیل کو اپنی اس حرکت کا بھرپور خمیازہ بھگتنا پڑے گا۔ انہوں نے کہا کہ ایرانی سائنسدانوں کے جانشین اپنی ذمہ داریاں سنبھال کر مشن کو جاری رکھیں گے۔