شہر قائد میں آج بھی شدید گرمی کا راج برقرار رہے گا۔ محکمہ موسمیات کے مطابق کراچی میں درجہ حرارت 38 ڈگری سینٹی گریڈ تک جانے کا امکان ہے، جبکہ گرمی کی شدت 45 ڈگری سینٹی گریڈ تک محسوس کی جائے گی۔محکمہ موسمیات نے کراچی میں جمعرات سے مزید گرمی بڑھنے کی پیشگوئی کردی ،اس دوران درجہ حرارت اکتالیس سے ترالیس ڈگری سینٹی گریڈ تک جانے کا امکان ہے

محکمہ موسمیات کا کہنا ہے کہ دن کے اوقات میں تیز دھوپ کے ساتھ ساتھ سمندری ہوائیں جزوی طور پر بند رہیں گی، جس سے موسم مزید گرم اور مرطوب رہے گا۔ آئندہ 24 گھنٹوں کے دوران موسم شدید گرم اور نمی سے بھرپور رہنے کا امکان ہے۔

پنجاب میں 27 سے 31 مئی کے دوران آندھی اور بارشوں کا الرٹ جاری

محکمہ موسمیات کے مطابق شہر کا موجودہ درجہ حرارت 34 ڈگری سینٹی گریڈ ہے، تاہم گرمی کی شدت 38 ڈگری سینٹی گریڈ تک محسوس کی جا رہی ہے۔ مغربی سمت سے ہوائیں 17 کلومیٹر فی گھنٹہ کی رفتار سے چل رہی ہیں، جبکہ ہوا میں نمی کا تناسب 60 فیصد ریکارڈ کیا گیا ہے۔

ادارے نے واضح کیا ہے کہ کراچی میں ہیٹ ویو کا فی الحال کوئی امکان نہیں ہے اور شہر میں بارش کی بھی کوئی پیش گوئی نہیں کی گئی۔ شہریوں کو احتیاطی تدابیر اختیار کرنے اور دھوپ میں غیر ضروری نکلنے سے گریز کرنے کی ہدایت کی گئی ہے۔