محکمہ موسمیات نے پیش گوئی کی ہے کہ بحیرہ عرب میں ہوا کے کم دباؤ کا سسٹم بننے کا امکان ہے، جو آئندہ 12 گھنٹوں کے دوران تشکیل پا سکتا ہے۔ یہ سسٹم شمال کی جانب بڑھنے اور شدت اختیار کرنے کی صلاحیت رکھتا ہے۔

محکمہ موسمیات کے مطابق، اگلے 36 گھنٹوں میں یہ کم دباؤ ’ڈپریشن‘ میں تبدیل ہو سکتا ہے۔ اس ممکنہ صورتحال کے پیش نظر متعلقہ اداروں کو الرٹ جاری کر دیا گیا ہے

محکمہ موسمیات کے سائیکلون وارننگ سینٹر کے مطابق ہواؤں کی گردش بھارت میں کرناٹک، گوا کے ساحلوں کے قریب موجود ہے،جبکہ یہ سسٹم 36 گھنٹوں میں شدت اختیار کر کے ڈپریشن میں تبدیل ہو سکتا ہے،

محکمہ موسمیات پاکستان کا سائیکلون وارننگ سینٹر اس نظام کو مانیٹر کر رہا ہے، موسمیاتی تجزیہ کاروں کے مطابق ہوا کے کم دباؤ کو اگر سازگار موسمی حالات ملے تو یہ ممکنہ طور پر ڈیپ ڈپریشن کی شکل اختیار کرسکتا ہے، اس سسٹم کے سمندری طوفان بننے کا امکان 60 سے 70 فیصد ہے جبکہ ہوا کے کم دباؤ کے باعث 25 مئی سے یکم جون کے دوران سندھ بھر میں گرمی کی لہر متوقع ہے۔

محکمہ موسمیات کے مطابق کراچی میں بھی گرمی کی شدت میں اضافہ ہوسکتا ہے،،اگر بحیرہ عرب میں ممکنہ طور پر متوقع سمندری طوفان تشکیل پاتا ہے تو اسکا نام شکتی رکھا جائے گا، یہ سری لنکا کا تجویز کردہ نام ہے۔