پاکستان پیپلز پارٹی کی سینئر رہنما سینیٹر شیری رحمان اور نیئر بخاری نے پریس کانفرنس میں قوم کو مبارکباد دیتے ہوئے کہا کہ پاکستان ایک بار پھر سرخرو ہوا ہے۔ انہوں نے کہا کہ پیپلز پارٹی یوم تشکر منانے میں پوری قوم کے ساتھ ہے اور اس موقع پر اتحاد و یکجہتی کی مثال قائم ہوئی۔

شیری رحمان نے کہا کہ چیئرمین پیپلز پارٹی بلاول بھٹو زرداری نے عالمی میڈیا پر پاکستان کا مؤقف موثر انداز میں پیش کیا، جبکہ صدر مملکت نے فورسز اور حکومت کو مکمل حمایت فراہم کرنے کا اعلان کیا۔

شیری رحمان نے کہا کہ وزیر اعظم شہباز شریف نے بھی اس مشکل وقت میں ملک کو سرخرو کیا، اور سرحدوں پر دشمن کو منہ توڑ جواب دینے والے ہمارے غازیوں کو سلام پیش کرتی ہوں۔

بھارت مزید کشیدگی جھیلنے کی پوزیشن میں نہیں تھا، وزیر اطلاعات عطاء تارڑ

انہوں نے مزید کہا کہ بھارت نے میڈیا پر پاکستان کا نقشہ تک بدل کر دکھا دیا تھا، لیکن پاکستان ایئر فورس نے 77 بھارتی ڈرونز مار گرائے اور دشمن کو تاریخی شکست دی۔ہندوستانی میڈیا پر بالی ووڈ فلمیں چلتی رہیں جبکہ پاکستان کا میڈیا ذمہ داری سے قوم کو متحد کرتا رہا۔

انہوں نے کہا کہ بھارت نے نہتے شہریوں پر حملہ کر کے بین الاقوامی قوانین کی خلاف ورزی کی، مگر پاکستان نے جنگ نہ صرف منٹوں میں جیتی بلکہ سفارتی محاذ پر بھی فتح حاصل کی۔

انہوں نے مودی سرکار پر تنقید کرتے ہوئے کہا کہ مودی اپنی نااہلی چھپانے کے لیے تقریریں کر رہے ہیں ۔

ہمارے شہریوں اور فوجیوں کی بہادری اور قربانی پاکستان کی سلامتی کی بنیاد ہے، آرمی چیف

پیپلز پارٹی کے سیکریٹری جنرل نیئر حسین بخاری نے پریس کانفرنس کرتے ہوئے کہا کہ اللہ کے فضل و کرم سے پاکستان کو بھارت کے خلاف فتح نصیب ہوئی۔ ان کا کہنا تھا کہ پوری قوم متحد ہے اور ہماری افواج نے دشمن کو منہ توڑ جواب دیا۔

نیئر حسین بخاری نے کہا کہ ہماری افواج کی قیادت نے واضح اور مؤثر مؤقف اپنایا اور دشمن کی چالوں کا بروقت اور بھرپور جواب دیا۔ پاکستان نے عسکری، سفارتی اور قومی سطح پر شاندار کامیابی حاصل کی ہے۔

آپریشن بنیان مرصوص کی کامیابی: وزیراعظم کا ہر سال 10 مئی کو یوم معرکہ حق منانے، شہدا پیکیج کا اعلان

نیئر بخاری نے کہا کہ پاکستان ایٹمی جنگ نہیں بلکہ امن چاہتا ہے۔ انہوں نے پیپلز پارٹی کی تاریخی خدمات کا ذکر کرتے ہوئے کہا کہ ذوالفقار علی بھٹو نے پاکستان کو ایٹمی طاقت بنایا جبکہ میزائل ٹیکنالوجی کا کریڈٹ محترمہ بینظیر بھٹو کو جاتا ہے۔

نیئر بخاری نے کہا کہ چیئرمین بلاول بھٹو زرداری کا بین الاقوامی کردار قابل تحسین رہا، انہوں نے عالمی سطح پر پاکستان کا مؤقف کامیابی سے اجاگر کیا۔