امریکہ نے پاکستان میں موجود اپنے سفارتی عملے کی نقل و حرکت محدود کرنے کی ہدایت جاری کی ہے۔ یہ فیصلہ پاکستان اور بھارت کے حالیہ حملوں کے تناظر میں کیا گیا ہے۔

امریکی محکمہ خارجہ نے اپنے ایک بیان میں کہا امریکی شہری بھارت اور پاکستان کی سرحد کے قریب اور لائن آف کنٹرول کے علاقوں کا سفر نہ کریں۔

بیان میں مزید کہا گیا کہ اگر کوئی امریکی شہری تصادم والے علاقے میں موجود ہے تو وہ وہاں سے فوری طور پر نکلنے کی کوشش کرے،امریکی شہریوں کو محفوظ مقام پر رہنے کی ہدایت کی گئی ہے۔

راولپنڈی اور لاہور میں زوردار دھماکوں اور فائرنگ کی اطلاعات، پاک فوج نے بھارتی ڈرون مار گرایا

برطانیہ کی پاکستان میں مقیم شہریوں کو ٹریول ایڈوائزری پرعملدرآمد کی ہدایت

پاک بھارت کشیدگی کے تناظر میں برطانیہ نے پاکستان میں موجود اپنے شہریوں کو محتاط رہنے اور ٹریول ایڈوائزری پر سختی سے عمل کرنے کی ہدایت جاری کر دی ہے۔ برطانوی ہائی کمشنر جین میرٹ نے بیان میں واضح کیا ہے کہ برطانوی شہری پاک بھارت انٹرنیشنل بارڈر سے 5 کلومیٹر اور لائن آف کنٹرول (ایل او سی) سے 10 کلومیٹر کے اندر ہرگز سفر نہ کریں۔

برطانوی سفارتخانے کی جانب سے جاری ہدایت میں شہریوں کو مزید تاکید کی گئی ہے کہ وہ غیر ضروری سفر سے گریز کریں، عوامی اجتماعات میں شریک نہ ہوں، اور مقامی حکام اور سفارتی مشن سے رابطے میں رہیں۔

واضح رہے کہ حالیہ دنوں میں پاک بھارت کشیدگی میں اضافے کے بعد مختلف ممالک کی جانب سے اپنے شہریوں کے لیے حفاظتی ہدایات جاری کی گئی ہیں۔